Visa Medical United States Uzbek

АҚШга иммиграция бўйича тиббий кўрикдан ўтиш жараёни

Тошкент Халқаро Клиникаси “Green Card” лотереяси орқали иммиграция учун мурожаат қилган номзодларни (оила иммиграция ёки оила бирлашма, шунингдек куёв ва келин) тиббий кўрикдан ўтказади.

АҚШнинг Ўзбекистондаги элчихонасида суҳбатга таклифнома олишингиз биланоқ, аввал тиббий кўрикдан ўтиш учун www.intms.org веб-сайтди орқали пул тўлашингиз керак.

Қуйида хизматлар учун тўловни қандай амалга ошириш, тиббий кўрикдан ўтиш учун ёзилиш ва қандай ҳужжатларни олиб келиш кераклиги ҳақида босқичма-босқич кўрсатма мавжуд.

Диққат! Тиббий кўрикка қўйиладиган янги талаблар:

  1. АҚШга иммиграцион виза олиш учун барча 2-14 ёшдаги номзодлар (15 ёш ва ундан катталар учун шарт эмас) Қуантиферон тест (IGRA) топширишлари керак.
  1. АҚШнинг Касалликларни назорат қилиш бўйича маркази (CDC) ва АҚШ Давлат департаменти талабларига мувофиқ, 2021 йил 1 октябрдан бошлаб барча иммиграция ва иммиграция бўлмаган виза номзодлари ЖССТ (WHO), АҚШ озиқ-овқат ва фармацевтика идораси (US FDA) хамда Ўзбекистон Республикаси соғлиқни сақлаш вазирлиги томонидан тасдиқланган Covid-19 вакциналарини (ножўя таъсири бўлмаган холатда) тўллиқ ўтишлари шарт. Вакциналарни тўлиқ олгандан сўнг Тошкент Халқаро Клиникасида тиббий кўрикдан ўтишга рухсат берилади.

Халқаро тиббий хизматлар веб-сайти (www.intms.org) чет элга саёҳат қиладиганлар учун тиббий кўриклар учун тўловлар порталидир. Ушбу сайтда кўрсатилган мамлакатлар: Канада, Буюк Британия ва Қўшма Штатлардир. Мазкур холатда Сиз AҚШ байроғини танлашингиз керак. Тилни танланг (рус ёки ўзбек) ва анкетани тўлдиришни бошланг.

Муҳим: Таклифномада исмлари кўрсатилмаган болалар тиббий кўрикдан ўтказилмайди. Болаларни рўйхатга олиш учун AҚШнинг Ўзбекистондаги элчихонасига мурожаат қилинг.

 

Тўлов тасдиқлагандан сўнг Сиз кўрсатган электрон манзилга тўлов муваффақиятли амалга оширилганлиги ҳақида хат юборилади. Шундан кейин қуйида келтирилган хужжатларни сканерланган холда DV lottery/ E-medical medicalsTIC@tashclinic.org электрон манзилига рўйхатдан ўтиш учун юборасиз. Хужжатларингиз рўйҳатдан ўтгандан сўнг электрон манзилингизга тиббий кўрик куни ва вақти кўрсатилган хат оласиз.

Барча саволлар ва аризалар факат электрон манзил орқали қабул қилинади.

Барча сканерланган хужжатлар сифатли ва PDF форматда бўлиши керак.

Рўйхатдан ўтиш учун зарур бўлган ҳужжатлар рўйхати:

  • Ҳар бир оила аъзосининг чет ел паспорти нусхаси (фотосурат билан бош саҳифа) ;
  • 3 х 4 см JPEG фотосурати (рангли, оқ фон, сўнгги 6 ойда туширилган бўлиши керак);
  • АҚШнинг Тошкентдаги элчихонасига таклифнома;
  • DS-260 шакли (Online Immigrant Visa and Alien Registration Application) оилавий иммиграция, Грин кард лотереяси бўйича иммиграция;
  • DS-160 шакли (Online Immigrant Visa and Alien Registration Application) куёв/келин визаси;
  • Поликлиникадан 063 шакл ёки илгари олинган вакциналар сертификати (063 / сертификат таржима қилиниши ва нотариал тасдиқланиши шарт эмас);
  • Covid-19га қарши эмлаш сертификати;

Алоҳида қоғоз варағида қўйидаги маълумотларни тақдим қилиш:Ўзбекистонда яшаш манзили, АҚШда яшаш учун мўлжалланган манзил, электрон почта манзили, телефон рақами (шаҳар ва мобил рақамлар).

АҚШнинг касалликларни назорат қилиш ва олдини олиш марказининг талабига кўра, 2 ёшдан 14 ёшдаги болалар Квантиферон (IGRA) тестидан  ўтишлари керак (15 ёшга тўлган ва каттароқ болалардан тест олинмайди). IGRA тести сил касаллигининг фаол ёки яширин инфексиясини ташхислаш воситасидир. Ушбу тест томирдан қон олинган ҳолда ўтказилади.

Тиббий кўрикдан ўтиш санаси ва вақти кўрсатилган хат электрон почтангизга келганидан сўнг, зудлик билан IGRA тести учун рўйхатдан ўтишингиз керак бўлади. Мазкур тестдан ўтиш жараёни 2 кундан 5 кунгача давом этиши мумкин. Тест натижаларини олиш ва Тошкент Халқаро Клиникасига тақдим қилиш номзоднинг мажбуриятига киради. Тест натижалари электрон манзилга олдиндан ёки тиббий кўрикдан ўтиш жараёнида юборилиши лозим: medicalsTIC@tashclinic.org

Хозирги вақтда ушбу тест фақат Генотехнология лабораториясида (www.genetech.uz) ўтқазилади, манзил: Ўзбекистон, Тошкент шахри, Шайхонтохур тумани, Кўкча Дарвоза 42 кўчаси, Мўлжал: 1-сонли шахар Перинатал маркази.

Қон олишнинг санаси ва вақтини, шунингдек, тест нархини келишиш учун IGRA тести (Interferon-Gamma Release Assays) Сил касаллиги инфекциясини аниқлаш учун қон тестлари координаторига телефон орқали мурожаат қилинг:

+ 998 99 060 80 03
+ 998 95 060 80 03

2-14 ёшдаги болалар Квантиферон тестини (IGRA) топширишлари шарт. Ушбу тестни топширмаган болалар тиббий кўрикдан ўтишга рухсат беридмайди (15 ёшга тўлган ва каттароқ болалардан тест олинмайди).

Тиббий кўрик ўтиш учун керак бўладиган хужжатлар:

  • Хорижий паспорт, агарда тиббий кўрик оилавий ўтилса, барча оила аъзоларининг хорижий паспорти;
  • Ҳар бир оила аъзосининг хорижий паспорти нусхаси (фотосурат билан бош сахифа) ҳар бир оила аъзоси учун;
  • CD дискка ёзилган 3х4 ўлчамдаги расм (рангли, оқ фон, сўнгги 6 ойда туширилган бўлиши керак);
  • АҚШнинг Тошкентдаги элчихонасига келган таклиф хати;
  • DS-260 форма (Online Immigrant Visa and Alien Registration Application) оилавий иммиграция, Грин Кард лотореяси орқали иммиграция;
  • DS-160 форма (Online Immigrant Visa and Alien Registration Application) келин/куёв визаси
  • 063 форма йоки олдин олган вакциналар сертификати;
  • 2-14 ёшдаги болалар учун IGRA тест натижаси;
  • Covid-19 қарши вакцина олинганлигини ҳақида сертификат;
  • Кўзойнак, контакт линзалар;
  • Алоҳида қоғоз варағида қўйидаги маълумотларни тақдим қилиш: Ўзбекистонда яшаш манзили, АҚШда яшаш учун мўлжалланган манзил, электрон почта манзили, телефон рақами (шаҳар ва мобил рақамлар).

Белгиланган вақтда қатъий келиш керак, эрта келманг, лекин кеч ҳам қолманг. Оч қоринга келишни ҳожати йўқ.

Тошкент Халқаро Клиникаси ҳудудида бўлган вақтда номзодларни тиббий кўрикдан ўтиш шартлари:

Виза номзоднинг асл паспорт ва унинг тиббий кўрикдан билан боғлиқ бошқа ҳужжатлар билан белгиланган вақтда келиши керак. Клиниканинг хавфсизлик ходими номзодни хавфсизлик текширувидан ўтиш учун рўйхатига мувофиқ чақиради.

Болали оилалар, ҳомиладор аёллар ва қариялар хавфсизлик текширувини навбатсиз ўтадилар.

Тиббий кўрик 2 соатдан 4 соатгача давом этади. Агар сиз болалар билан тиббий кўрикдан ўтаётган бўлсангиз, илтимос, болалар овқатлари, тагликлар, шунингдек ўйинчоқлар ва китобларни олиб келинг.

Хавфсизлик текширувидан ўтаётганда клиниканинг хавфсизлик ходими клиниканинг ҳудудига кириш учун зарур бўлган қоидалар, процедуралар ва талабларни тушунтиради. Номзоддан мобил телефонни ўчириб қўйиш, шунингдек клиниканинг хавфсизлик хизматига барча электрон қурилмаларни, шу жумладан автомобил калитлари, суюқ моддалар, спрейлар ва бошқаларни топшириш сўралади. Номзодларга тиббий кўрикдан ўтказиш учун клиникага фақат электрон фотосуратлар билан CD диск ҳужжатларни олиб келиш рухсат этилади. Тошкент халқаро клиникаси ҳудудига “USB Driver” (USB-флешка), шунингдек бошқа оммавий ахборот воситаларини олиб кириш тақиқланади.

Текширувдан ўтгач, клиниканинг хавфсизлик хизмати номзодни кутиш ҳонасига йўналтиради.

Эътибор беринг: хавфсизликни таъминлаш мақсадида клиника ҳудудида аудио ва видеокузатув камералари қайд этилади.

Тиббий кўрик натижалари 7-10 кун ичида АҚШнинг Ўзбекистондаги элчихонасига юборилади.

Илтимос, шахсий нарсаларингизни унутманг. Клиника маъмурияти сизнинг шахсий нарсаларингизни йўқотиш учун жавобгар эмас.